यस कार्यालयले आदिवासी जनजाती, महिला, दलित, मुस्लिम, पिछडावर्ग, लक्षीत वर्ग तथा लोपन्मुख जातीहरुका लागि लोकसेवा आयोगबाट लिईने खरिदार पदको विज्ञापनलाई आधार मानि निम्न मिति, समय र स्थानमा लोकसेवा तयारी कक्षा संचालन गर्ने भएकोले ईच्छुक व्यक्तिहरुले आवेदनको लागि थप गरिएको म्याद यही मिति २०७२/१२/३० गते सम्म नगरपालिकामा निवेदन दिनु हुन सबैमा जानकारीका लागि यो सूचना प्रकासित गरिएको छ ।
निम्न :
मिति : २०७२/१२/३० गते मंगलबारबाट
समय : दिनको ठिक २ः३० बजे
स्थान : एभरेष्ट मल्टि टेक्निकल कलेज, उर्लाबारी–२
यस उर्लाबारी नगरपालिका र व्यावसायिक तथा सिप विकास तालिम केन्द्रको सहकार्यमा लक्षित वर्ग अन्र्तगत अपाङ, द्वन्दपिडित, विपन्न, दलित, आदिवासी/जनजाती, मघेसी तथा अन्य जातजातिका महिला तथा पुरुषहरु मध्ये १५ (पन्ध्र) जनालाई निःशुल्क सिपमुलक वेल्डिङ्ग तालिम (३ महिने) संचलान गरिने भएकोले ईच्छुक १८ वर्ष पुगी ४० वर्ष ननाघेका स्थानीय नागरिकले यो सुचना प्रकाशित भएको मितिले ७ (सात) दिन भित्र यस नगरपालिकाको कार्यालयमा आवेदन फारम भर्नु हुन आह्वान गरिन्छ ।
आवश्यक कागजात :
१) नेपाली नागरिकता प्रमाण पत्रको प्रतिलिपि – १ थान
२) उर्लाबारी नगरपालिकाको स्थानीयवासी हुनु पर्नेछ ।
३) न्यूनतम शैक्षिक योग्यता – जिल्ला स्तरीय परिक्षा (कक्षा ८) पास हुनुपर्नेछ ।
विस्तृत जानकारीको लागि उर्लाबारी न.पा. को सामुदायिक तथा वातावरण शाखामा सम्पर्क राख्नु होला ।
यस नगरपालिका कार्यालयले आदिवासी जनजाती, महिला, दलित, मुस्लिम, पिछडावर्ग, लक्षित वर्ग तथा लोपन्मुख जातीहरुका लागि मिति २०७३/०१/०५ गतेबाट लोकसेवा आयोगबाट लिईने खरीदार पदको विज्ञापनलाई आधार मानि तयारी कक्षाहरु संचालन गर्ने भएकोले निम्नानुसार सुचना प्रकासित गरिएकोले ईच्छुक व्यक्तिहरुले २०७२ चैत्र २५ गते भित्रमा यस नगरपालिकामा निवेदन दिनु होला वा नगरपालिकाको सामाजिक विकास शाखामा सम्पर्क गर्नु हुन जानकारी गराईन्छ ।
निम्न :
१) उर्लाबारी नगरपालिकाको स्थायी बासिन्दा हुनु पर्नेछ ।
२) रजिष्ट्रेशन शुल्क वापत रु. ५००/– लाग्नेछ ।
३) कक्षा संचालन ३० दिन हुनेछ ।
उर्लाबारी नगरपालिकाको खुल्ला र समावेशी प्रतियोगितात्मक परिक्षाद्वारा स्थायी पदपुर्ति गरीने सम्बन्धि दरखास्त आव्हान गरिएको सार्वजनिक
यस नगरपालिकामा रिक्त रहेका देहायका पदहरुमा स्थानीय स्वायत्त शासन नियमावली २०५६, (संशोधन सहित) को नियम २१३ बमोजिम स्थायी पदपूर्ति गर्नु पर्ने भएकोले खुला तथा समावेशी प्रतियोगितात्मक परीक्षाद्वारा पदपूर्ति गरिने भएकोले योग्यता पुगेका नेपाली नागरिकबाट यस नगरपालिकाबाट स्वीकृत फारम भरी दरखास्त आह्वान गरिन्छ ।
दरखास्त फारामको लागि उर्लाबारी नगरपालिका कार्यालयमा कार्यालय समय भित्र कर्मचारी प्रशासन शाखामा सम्पर्क राख्नु हुन समेत जानकारी गराईन्छ :
, 
यस उर्लाबारी नगरपालिका कार्यालयमा मिति २०७२-१२-०३ मा बसेको सर्वदलिय एवं सर्वपक्षिय बैठकमा सिटी सफारी व्यवस्थापन सम्बन्धमा देहाय बमोजिम निर्णय भएकोले सर्वसाधारण र सरोकारवाला सबैलाई जानकारीको लागि यो सूचना जारी गरिएको छ ।
निर्णयहरु :
१) यस उर्लाबारी न.पा. बाट सिफारीस भई हाल संचालनमा रहेका ११६ वटा सिटी सफारी यही मिति २०७२ चैत्र १५ गते भित्र यातायात व्यवस्था कार्यालयमा अनिवार्य रुपमा दर्ता गर्नुपर्ने ।
२) नयाँ ON TEST को रुपमा संचालन भएका सिटी सफारी सम्बन्धमा मिति २०७२ फाल्गुण २० गते भित्र नगरपालिकामा दर्ता भएकाहरुको हकमा मात्र न.पा. मा स्थायी बसोबास भएका व्यक्ति, १ व्यक्ति १ सिटी सफारीको आधारमा रुट निर्धारण समितिले सिफारीस पेश गर्ने । अन्यथा सफारी दर्ता नहुने ।
३) डिलरहरुले सिटी सफारी बिक्री बन्द गर्ने र बिक्री गरेमा स्वयम् जिम्मेवार हुने ।
यस उर्लाबारी नगरपालिकाद्वारा तपसिल बमोजिमको मिति, समय र स्थानमा नगरपालिका भित्र रहेका घर नम्बरीङ्ग तथा नेम प्लेट राखने सम्बन्धमा १ (एक) दिने कार्यशाला गोष्ठीको आयोजना गरिने भएकोले उक्त गोष्ठीमा यहाँकाे उपस्थितिको लागि अनुरोध छ ।
तपसिल :
मिति : २०७२ चैत्र ५ गते शुक्रवार
समय : दिनकोे ११ बजे ।
स्थान : बौद्ध गुम्बा, उर्लाबारी–२
